KOCHA JOSE MOURINHO ANAHITAJI VIPINDI VIWILI VYA USAJILI KUIJENGA MAN UTD

Mmoja wa maafisa waandamizi wa Manchester United amesema kocha Jose Mourinho atahitaji japo vipindi vingine viwili vya usajili kujenga kikosi anachokihitaji.

Miezi saba tangu Mourinho achukue mikoba ya Louis van Gaal, United ni ya sita katika msimamo wa ligi, pointi 13 nyuma ya vinara Chelsea na pointi nne nyuma ya nne bora ili kujihakikisha kushiriki Ligi ya Mabingwa Ulaya.

Akiongea wakati wa mazoezi ya kujiandaa na mechi dhidi ya Crystal Palace, kocha Jose Mourinho amesema kuwa anataka kukiweka pamoja na kikosi chake hadi mwishoni wa msimu huu.