WATUMISHI WA NDANI HONG KONG WAANDAMANA KUDAI HAKI ZAO

Watumishi wa majumbani wameandamana huko Hong Kong wakishinikiza kupigwa marufuku kitendo cha wao kulazimishwa kusafisha madirisha ya majengo marefu.

Maandamano hayo yamefuatia vifo kadhaa vya watumishi wa ndani katika miezi ya hivi karibuni vilivyotokana na kuanguka wakati wakisafisha madirisha ya maghorofa.

Watumishia hao wa ndani wa Hong Kong pia wametaka kuongezewa malipo yao, kupunguziwa muda wa kufanya kazi na malazi bora.