CHARLIE AUSTIN ATUPIA MBILI WAKATI SOUTHAMPTON IKISHINDA

Charlie Austin amefunga magoli mawili wakati Southampton ikipata ushindi wakiwa na kocha Claude Puel kwa kuifunga Sparta Prague magoli 3-0 katika mchezo wa Ligi ya Uropa.

Austin alifunga goli la kwanza kufuatia kutolewa penati ya utata, baada ya Costa Nhamoinesu kudaiwa kuwa ameushika mpira wakati wa kumkaba mshambuliaji huyo.

Austin tena aliongeza goli la pili kwa kichwa na kisha baadaye Jay Rodriguez akaongeza la tatu.