Rais Uhuru Kenyata amvimbia Obama, akataa ndoa za jinsia moja.

Wiki iliyopita jirani zetu nchini Kenya, walitembelewa na Rais wa Marekani Barrack Obama aliyekuwa na ziara ya masaa 48 nchini humo.
Pamoja na nchi hizo mbili kuzungumzia mahusiano yao kidiplomasia, kupambana na rushwa pamoja na utawala bora liliibuka pia swala la kutambua au kutotambua ndoa za jinsia moja.
Kupitia mkutano wa hadhara walioufanya pamoja marais hao, Rais Uhuru aliitumia fursa hiyo kumwambia Obama na kuwahakikishia waKenya kuwa haina mpango wa kuidhinisha swala hilo, kwa sababu si utamaduni na ustaarabu wa muafrica.
“Ndoa za jinsia moja si swala la muafrica, Kenya hatuwezi kuzitambua kwa sababu tamaduni zetu na Ulaya ni tofauti.” Alisema Uhuru.
Ikumbukwe nchini Marekani tayari wameanza kutambua na kuheshimu mahusiano haya ya jinsia moja, na inasemekana Barrack amekuwa akishauri baadhi ya nchi kutambua ndoa hizi.