CRISTIANO RONALDO AZINDUKA EURO 2016 NA KUTUNDIKA MAGOLI MAWILI

Ureno imetinga hatua ya 16 bora ya michuano ya Euro 2016 huku Cristiano Ronaldo akimaliza ukame wa kufumania nyavu kwa kupachika magoli mawili, katika mchezo huo ulioishia kwa sare ya 3-3 dhidi ya Hangari.

Ilikuwa Zoltan Gera aliyeanza kutikiza nyavu za Ureno, kabla ya Cristiano Ronaldokumtengenezea nafasi Luis Nani ambaye aliachia shuti na kusawazisha goli kabla ya mapumziko.

Goli la kugongwa mpira na kumpoteza mahesabu kipa kufuatia shuti la Balazs Dzsudzsak liliifanya Hungari kuongoza tena hata hivyo Ronaldo alifunga goli kali la kugonga mpira kwa kisigino na kusawazisha tena. Dzsudzsak tena alifunga na kisha Ronaldo kusawazisha goli.