China yalalamikia taarifa ya suala la bahari iliyotolewa na Kundi la G7

China imeeleza kutoridhishwa na taarifa ya suala la bahari iliyotolewa na Kundi la Nchi 7 linalojumuisha nchi kubwa za kiviwanda duniani kwenye mkutano uliofanyika nchini Japan.
Msemaji wa wizara ya mambo ya nje ya China Lu Kang amesema wakati uchumi wa dunia unafufuka kwa udhaifu, kundi hilo linatakiwa kuweka ufuatiliaji wake kwenye uendeshaji wa uchumi duniani na ushirikiano wa kimataifa, badala ya kuliwekea msisitizo suala la bahari na kuchochea tatizo la kikanda.

Lu amesema shughuli za ujenzi za China kwenye baadhi ya visiwa vya Nansha vilivyo Bahari ya Kusini ya China zimo ndani ya mamlaka ya China. China italinda kithabiti mamlaka yake na haki na maslahi yake ya bahari, huku ikishikilia kutatua tofauti kwa njia ya mazungumzo kwa mujibu wa sheria za kimataifa kwenye msingi wa kuheshimu historia.