MZEE YUSSUF ADAI ANAVUTIWA SANA NA MREMBO LINAH

Msanii wa muziki wa taarab Mzee Yussuf baada ya kufanya vizuri na video ya wimbo wake, Mashallah aliyomshirikisha Vanessa Mdee, anajipanga kuingia studio kuandaa wimbo mpya na Linah Sanga.
Akizungumza katika kipindi cha Sporah Show cha Clouds Television Ijumaa hii, Mzee Yussuf amesema anavutiwa sana na sauti ya kulalamika ya mwanadada huyo ambaye kwa sasa anafanya vizuri na video yake ya wimbo, No Stress. “Nafikiria nifanye kazi na Linah kutokana na ile sauti yake ya kulialia. Kwa sasa mtu ambaye natamani kuimba naye ni Linah, ile sauti yake ya kulia na kuomba radhi fulani ni nzuri sana,” alisema Mzee Yussuf.