MSHAMBULIAJI VETERANI WA ATHLETIC BILBAO AIOKOA HISPANIA ISIZAME

Mshambuliaji veterani wa Athletic Bilbao, Aritz Aduriz, ameanza kwa kishindo mechi yake ya kwanza ya kimataifa kwa kupachika bao na kuwapatia sare muhimu mabingwa watetezi wa Bara la Ulaya timu ya Hispania.

Katika mchezo huo Italia ilikuwa ya kwanza kupachika bao kupitia kwa winga wa timu ya Napoli Lorenzo Insigne aliyepachika bao safi kufuatia mashambulizi ya kushitukiza.

Lakini Aduriz mwenye miaka 35, na ambaye amefunga mabao 31 katika ligi ya La Liga akiwa na Athletic Bilbao, alisawazisha bao hilo dakika mbili baadae na matokeo kuwa sare ya bao 1-1.