DJ WA KINAIJERIA KUFANYA ONYESHO NA KUTOA MSAADA KWA JAMII JIJINI DAR ES SALAAM.

Mtengenezaji wa muziki,

mtunzi wa nyimbo na DJ raia wa Naijeria anayefanya kazi zake nchini Marekani Bi. Florence Ifeoluwa maarufu kama DJ Cuppy tayari amewasili jijini Dar es Salaam ikiwa ni sehemu ya ziara yake ya Afrika yenye jina la ‘Cuppy takes Africa’. Wakati akiwa jijini hapa Dj huyu ambaye ni maarufu sana atatembelea kituo cha Kigamboni Community Center kinachotoa elimu kwa watoto wanaoishi katika mazingira magumu. Ziara yake itahitimishwa na onyesho la muziki litakalofanyika katika hoteli ya Slipway, tarehe 16 Agosti.

Ziara yake hii kabambe ya mwezi mzima ilianza Agosti 1 jijini Lagos, Nigeria ikifuatiwa na Senegal, Ghana na Kenya. Tanzania ni nchi ya tano katika ziara yake na hapo DJ Cuppy atatembelea nchi za Rwanda, Uganda na Afrika Kusini.

“Nilikuwa na ndoto ya kutembelea Afrika, lengo kuu likiwa ni kujionea utamaduni wake, ndoto hii sasa imetimia,” alielezea katika mkutano na waandishi wa habari mjini Lagos Julai 8 huku akiongeza kwamba “nina furaha sana kuonja radha ya muziki tofauti, watu na kupata uzoefu kutokana na ziara hii!” Alisema.

Pamoja na hayo, ziara hii inalenga kutoa msukumo katika jamii kwa kila nchi. DJ huyu mwenye kusherehesha ana shauku juu ya elimu ya viongozi wa baadaye wa Afrika. Kupitia msaada mkubwa wa asasi ya Dangote Foundation, atatembelea na kutoa msaada kwa shirika lisilo la kiserikali katika sekta ya elimu katika kila nchi atakayoitembelea.

Nchini Tanzania Cuppy atatembelea kituo cha jamii cha Kigamboni kijulikanacho kama (KCC). kituo hiki huwa kinashughurika na masuala ya kutokomeza umaskini, huku kikijikita katika kutoa elimu ya chekechea na msingi kwa watoto ambao wako mbali na upatikanaji wa elimu haswa kauokana na upungufu wa shule za umma.

KCC pia hutoa fursa nyingine za kujifunza kwa vijana wa Kigamboni, na pia hutoa elimu ya jamii, madarasa ya kuendeleza vipaji na mpango wa mafunzo ya ufundi stadi. Ziara hii inayojulikana kwa jina la “Cuppy takes Africa” wamechagua kituo hiki kwa sababu ya kujitolea kwao kukuza vipaji na kujenga upatikanaji wa elimu kwa jamii yake.

DJ Cuppy amefanya kazi katika safu ya tuzo yenye hadhi ya juu ikiwa ni pamoja na Financial Times Summit mwaka 2014 na kwenye tuzo za muziki za MTV Afrika, yeye ni msomi kutoka katika Chuo cha kifalme cha London na sasa anaendelea na masomo ya shahada ya uzamili katika fani ya Sanaa katika biashara ya muziki Chuo Kikuu cha New York. Cuppy pia ni balozi wa utalii kwa Nigeria.

Ziara hii ya “Cuppy takes Africa”’ inajumuisha maonyesho, mashirikishano ya wasanii, fursa za vyombo vya habari na ushirikiano wa hisani unaodhaminiwa na benki ya GT.